Sa Fatima

Marami akong bagay na nagugustuhan sa Fatima. Nagustuhan ko rito ang Departamento ng Filipino. Sa NCBA, dalawa lang kaming nagtuturo ng Filipino. Tanda ko 3 na ata ang pinakamarami. Sa ASAS, nag-iisa lang akong nagtuturo ng Filipino kaya pakiramdam ko wala akong kasama. Bagama’t maliit kami kung ikukumpara sa iba, masasabi ko na iba kami at kakaiba kami na departamento.

Na-appreciate ko ang fries nila. Nagsilbi itong merienda ng mga estudyante dahil sa dami ng nagtitinda ng fries dito. Lagi ko ng merienda at almusal ang spaghetti ni Ate Inday. Kilala ito sa Fatima. Nagustuhan ko ang internet room. Kasi sa internet room, naa-acces ko ang mga gusto ko tignan na website. Yung wifi sa departamento kung saan nabubuksan ko ang fb kapag nag-stay ako sa loob.  Nagiging hilig ko ang silid-aralan sa basement ng VSB kasi pakiramdam ko ang parang may sarili mundo ang mga nagsisilid doon.

Nagustuhan ko ang binibilhan ko ng kape na sa tuwing bagsak ang utak ko, nabubuhayan ako sa pamamagitan ng pag-inom ko ng kape roon (kopiko brown para talagang gising ang diwa).  Gusto ko ang malapit na zagu store sa lagro na kapag feeling ko kailangan ko ng gift, bibili lang ako ng zagu roon.  Marami pa akong bagay na kinagusto ko sa Fatima. Ang pagiging malapit nito sa tahanan namin ang isa sa dahilan kung bakit gusto ko rito magtrabaho.

May mga ilang bagay lang ako na nami-missed mula ng pumasok ako sa Fatima. Na-miss ko ang pag-jog, paglalaro ng volleyball, pagsusulat, pag-abang sa mga kanta at music awards. Bagama’t abala ako ngayon, gusto ko naman ito. Matagal din ako nagpahinga. Blessing ito kung maituturin. Adjustment period ito sa akin pero natutuwa ako sa adjustment na nasasaksihan ko.

Sa pagpasok ko sa Fatima, ang daming nagbago sa akin. May mga bagay pa akong nais ilahad pa na bago sa pananaw ko bilang guro, gawaing guro, kasalukuyang pamumuhay at iba pa.