1st 2nd Sem ko sa Fatima

Nairaos ko ang unang sem sa Fatima. Culture shock ang nararamdaman ko. Tulad ng pakiramdam ng isang baguhan. Malaking adjustment ang siyang ginawa ko. Mula sa sistema ng unibersidad hanggang sa mga estudyante.

Itong 2^nd sem, panibago ito sa akin. Bagama’t may pagkakatulad ito ng 1^st sem, may mga ilang aspeto pa rin ito na iba sa 1^st sem. May mga panuntunan lamang ako sa klase na dapat tignan ng estudyante. Una sa lahat, ayaw ko ng maingay. Lalong lalo na kapag nasa period ako ng lecture. Sa unang sem ko sa Fatima, nangapa ako sa prosesong ito. Wala akong lecture na ginawa ko ng 100%.

Isa rin sa panuntunan ko, hindi ako nagbabasa ng late papers. Kung late ka magpasa ng papel, asahan mo na gagawin kong sapin yan ng pananghalian ko. Naging kultura ko sa UP Diliman Communication Research Department na dapat maging on time sa pagpasa ng papers. Doon ako natuto na magpasa ng maaga ng papel.

Wala nga akong 5, pero may FDA ako. 15 mins bago ako mag-attendance. Kung 7 ng umaga ng klase, asahan mo 7:15 mag-attendance na ako. 1^st sem sobrang luwag ko sa attendance. Ngayon dahil walang 5, at kapag may maraming absences ka, asahan mo na makukuha mo talaga iyon. Pero yun nga, sa sarili kong pananaw, hindi ito nakakasira ng record dahil maraming dahilan kung bakit absent ang estudyante, hindi lang sa dahilan na mahina ito sa subject kaya di makapasok.

Tumatanggap ako ng sit-in pero ayaw ko na magko-cause ka ng ingay sa klase. Sit in ka na nga lang, nanggugulo ka pa. Isa sa mga bagong panuntunan na gusto ko gawin sa klase ay dapat maging malinis at maayos ang upuan bago ako pumasok hanggang matapos ito. Sa totoo lang dapat di na kayo sinasabihan sa bahaging ito, di ba nakakaasiwa tignan ang room na madumi. Common sense na kapag may nakita kang kalat, ikaw na mismo magtatapon nito sa basurahan para ganado kang matuto sa klase.

Huwag kayo magmadali sa dismissal ng klase, hintayin niyo na sabihin ko ito. Huwag ka na lang pumasok kung nagmamadali ka rin umalis. Napansin ko sa Fatima, maraming humihirit ng dismiss na agad. Kaloka! Isa rin pa lang napansin ko, huwag niyo ako aabutan ng mga pagkain, o tanungin kung magkano ako. Hindi ako nabibili. Tatanggapin ko nga ang ibibigay mo bilang pakikisama pero di ibig sabihin nun ay nabili mo na ako o ang grado mo sa subject ko. Hanggang huling hininga ko, susunod ako sa code of ethics ng teachers.

A teacher shall not accept favours or gifts from learners, their parents or others in

their behalf in exchange for requested concessions, especially if undeserved.

Huwag niyo pala ako hihipuan sa maselan na bahagi ng katawan ko. Naiinis ako sa mga estudyanteng gumagawa nun. Makakakuha ka ng grade na mataas kung di nag-e-expect ng mataas na grado.

Una pa lang ito. Abangan ninyo yung susunod na classroom policy ko. Kung gusto niyo ng magandang turo mula sa akin, sumunod po kayo. Gawin niyo po ang tungkulin ninyo bilang estudyante.

Hinding hindi ako magpapalamon sa bulok na sistema ng edukasyon! Kaya ito ang pinasok kong propesyon para baguhin ang mga maling sistema na pinaiiral nila.