Huling Sem sa MA

Huling semestre ko na sa UP. May mga opsyon na ako sa mga mangyayari. Nag-enroll ako ng mga kurso kahit di naman required.

Nag-enroll ako ng 12 units sa eduk course. Pinag-isipan ko talaga ito maigi. Parang baliwala na rin ang mga na-enroll ko nung 2^nd sem.  Di ko man lang naibahagi ang mga ito sa OLFU. Salamat sa biyayang binigay nila upang mairaos ko ang last penalty course. Laki rin ng tinipid ko kasi 2006 ako nagsimula. Pasok ako sa P300.00 per unit. Pagkatapos nito, nag-iisip na ako ng sunod na opsyon. Nais ko subukan ang ginagawa ni Mrs. Saliva sa ASAS. Nagtuturo sa elementarya ng umaga tapos sa kolehiyo naman ng hapon. Malapit na rin mag-retire si Mama.

Hindi ko maiwasan kumuha ng course sa elementary education. Bigo ako matapos turuan ang mga grade 2 ko noon sa Savio. Gusto ko matutunan ito at subukan uli ang elementarya. Sana Hunyo sa susunod na taon. Nawa’y maayos sana ang school policy na papasukan ko. Tapusin ko lang ang hamon na ito. Hindi ako tulad ng aking ina, baguhan ako sa pag-handle ng mga pupil na ito. Nakakapagtaka na sabbatical ang tagapayo ko sa MA tesis. Dahil dito kailangan ko mag-isip kung sino ang pwede ko maging tagapayo. Malaki ang tsansa. Iniisip ko rin ang possible na panel.

Excited na rin ako sa magiging paper ko sa educ course. Sagad na rin ang bilang ng enlisted slot. Ang daming tao sa College of Education. Malamang dahil ito sa K-12. Mali ang polisiya na kailangan may LET sa pagtuturo ng Senior High School. Kinuha lang naman nito ang kurso sa GE ng 1^st at 2nd year college. Dapat magkaroon ito ng reiteration o kaya gawing boluntaryo. Lalo na ngayon at may BA Filipino na sa mga kolehiyo. Number one requirement sa pagtuturo ng grade 11 ay depende sa subject. Wala pang course tungkol sa K-12. Hindi rin ito maihehelera sa Bachelor in Secondary Education, kasi nakapasok lang ito sa 4 years na kurso, unless ma-revised ang curriculum at ipasok ang K-12.

Kung titignan ang DepEd sa curriculum may bilang ng oras. Mukhang per semester ang bilang. May ibang nagsasabi ng 1 year. Bawat school kasi ay may kanya-kanyang polisiya. Halos standard lang kapag state college at university. Kung magtuturo sana ako uli sa elementary, sana grade 2 uli tapos matapos ko na. Isang taon lang na matapos, ok na. Subukan ko naman ang grade 6 pataas. Kailangan ko itong aral na ito para makabawi sa mababang kong grades. Nanlumo ako sa GWA na 1.8, pinakamababa sa kasaysayan.

Baka ikaw pala na nagbabasa o kakilala ko, baka pwede ka maging part ng paper ko. Baka pwede kang respondent, sabihan mo lang ako. Gusto ko i-try ang mag-survey. Preparation na ito sa mga next research paper ko na sunod-sunod survey method na aaralin ko at tututukan. Sasamantalahin ko na itong last sem ko sa UP. Buti na lang may digicam ako for documenting every moment. Gagawa ako ng diary dito sa UP. Habang tutok sa huling depensa na dapat mangyari dahil out of the program.

Ang laki rin ng binago ng buhay ko mula nang napasok ako sa Filipino Department ng UP. Natutukan ko ang wika sa pananaw ko sa Journalism. Hindi rin madali ito. Mahirap din maging nationalist. Ang naging tulong sa akin ng Filipino ay hindi hadlang na maging nationalistic ang mga sulat ng mamamahayag. Yung matawag ka rin na Pinoy Scholar/Academician na natuto sa kultura at lipunan. Ito na siguro marahil ang dahilan kung hitik ang kaalaman ko sa ating bansa.